Shirkan oo ah kii 73-aad ahna mid sanadla ah, waxaa Soomaaliya ku matalaya Wasiirka arrimaha dibadda Axmed Ciise Cawad iyo Wafdi uu hogaaminayo.
Wasiirka ayaa kulamo la yeeshay madaxda wadamo kala duwan iyo Hay’ado hoos yimaada Qaramada Midoobay, Kuwaas oo uu kala hadlay arrimo quseeyo Soomaaliya iyo guud ahaanba Gobolka.
Kulamadii u danbeeyay waxa uu la yeeshay Wasiiro arrimo dibadeedyada Wadamada Ruushka, Qatar, Kosovo iyo Kuwo kale.
Kulankii uu la yeeshay Wasiirka Arimaha dibada ee Kosovo ayay kaga wada hadleen xariirka labada dal iyada oo dowlada Kosovo Carabka kudhufatay in Soomaaliya ay ku leedahay abaal weyn, taas badalkeedana ay Kosovo diyaar u tahay in ay abaalkaasi gudo, waxayna soo bandhigeen fikradda ah in Soomaaliya ay saafaarad ka furato Kosovo ayna fududeeyn doonaan adeegyada furista sadaaradda Soomaliya ay ku yeelaneyso halkaasi.
“Dowlada Ruushka waxay marwalba Diyaar u tahay sii wadista xariirka qotoda dheer ee kala dhexeeya Soomaaliya Iyo soo celinta wada shaqeeyn xoogan oo markale dhexmarta Soomaaliya iyo Ruushka” ayuu yiri Wasiirka arrimaha dibada ee Ruushka Sergey Lavrov.
Sheekh Maxamed Bin Cabdulrahman Al-thani oo ah Wasiirka Arimaha dibada ee dalka Qatar iyo Wasiir Axmed Cawad waxa ay ka wada hadleen wadashaqeyn dhow oo dhexmarta wadamada Qatar iyo Soomaaliya, isaga oo sheegay in uu ku faraxsanyahay la kulanka wafdiga Soomaaliya ku matalaya Shirka Qaramada Midoobay.
Wasiirka arimaha Dibada ee Soomaaliya Mudane Axmed Ciise Cawadayaa ku sii Joogi doona New York tan iyo inta uu ka jeedinayo qodbada ay Soomaaliya ku leedahay Shirka Gollaha loo dhanyahay ee Qaramada Midoobay.
Deeqo Shire (SONNA)
NewYork
