Wasiirka Wasaaradda Arrimaha Gudaha, Federaalka iyo Dib-u-heshiisiinta Xukuumaadda Federaalka Soomaaliya, Mudane Xildhibaan Hon Ali Yusuf Ali (Xoosh), ayaa maanta kulan muhiim ah la qaatay wafdi ka socda Hay’adda FCA, oo ay hoggaaminayso Mss Piya Itkonen, Wakiilka FCA ee Soomaaliya.
Kulanka ayaa looga hadlay arrimo muhiim ah oo ku saabsan dowlad-dhiska dalka, gaar ahaan dadaallada dib-u-heshiisiinta, nabadeynta iyo arrimaha doorashooyinka. Wasiirka ayaa sheegay in ay muhiim tahay in la sii xoojiyo wada-shaqeynta iyo iskaashiga hay’adaha caalamiga ah iyo dowladda Soomaaliya si loo xaqiijiyo nabad iyo dimoqraadiyad buuxda.
Hay’adda FCA iyo dowladda Soomaaliya ayaa sidoo kale ka wada-hadlay sidii loo dardar-gelin lahaa geeddi-socodka dib-u-heshiisiinta iyo horumarinta arrimaha doorashooyinka ee dalka, iyadoo la tixgelinayo baahida loo qabo in la hirgeliyo nidaamyo siyaasadeed oo la jaanqaada xaaladda hadda jirta.
