Kulankan Wadatashiga waxa ka qeyb galaya masuuliyin ka socota dowlad goboleedyada, Qubaro, Hey’adaha ka shaqeeya dib u heshiisiinta iyo Beesha Caalamka
Wasiirka Arimaha Gudaha, federaalka iyo dib u Hushiisinta Soomaaliya ayaa furay kulankan waxaana Ka qeyb galayaasha loo qeybiyay koox koox si ay uga tala bixiyaan Hannaanka Dib u heshiisiinta dalka.
Wasiirka Arimaha Gudaha, federaalka iyo dib u Hushiisinta Xukuumada Soomaaliya Mudane Cabdi Maxamed Sabriye ayaa Furitaan shirka kadib waxa uu warbaahinta Qaranka u sheegay in Wasaaradu ay doonayso in aragtiyada hannaanka dib u heshiisinta dalka in ay meel isugu geyso si loogu gudbo waxqabad
‘’ Markaan waxaan isku dayaynay inaan aruurino aara’dii ka soo baxday shirarkii hore sidii hore loogu wadi lahaa oo shirarka iyo mowduucyada laga hadlay la isugu uruurin lahaa meel wixii ka dambeeya looga gudbi karo waxqabad, shirkan waxa uu soconaya Maanta iyo Berri dad badan oo qubaro ah ayaa ka soo qeyb galay oo ka hadli doono waxbadan’’ sidaas waxa yiri Wasiir Sabriye
Ergayga Qaramada midoobay u qaabilsan Soomaaliya Meykal Keatiing waxa uu bogaadiyay dadaalada Wasaaradda Arimaha Gudahe Soomaaliya ee dib u heshiisiinta iyo sida ay uga go’an tahay dowladda federaalka xalka u helista Khilaadyada taagan.
‘’ Warka wanaagsan waxa uu yahay sida ay idinka go’an tahay dib u heshiisinta , sida ay uga go’an tahay dowladda Federaalka inay la shaqayso dhinacyada qeybta ka ah si loo sameeyo qorshe howleed lagu wajaho caqabada jira oo lagu daray go’aanada siyaasiga ah ee lagu xalinayo khilaafaadka waa weyn waxaana u malaynaya taariihdii Dhuusamareeb iyo hormarka Nadaba Gaalkacyo iyo kuwa kalaba ay yihiin Tusaalooyin’’ Ayuu yiri MikaEgayga Qaramada Midoobay Amb Keating.
Wasiir ku xigeenka Arimaha Gudaha Jubbaland Cabdiraxmaan Maxamed Xuseen oo ka mid ah masuuliyiinta dowlad goboleedyada ee shirkan ka qeyb galaya waxaa uu tilmaamay in uu mid muhiim oo ku soo aaday waqti wanaagsan
Wasaaradda Arimaha Gudaha, Federaalka iyo dib u heshiisinta Soomaaliya ayaa dadaal badan ku bixinaysa sidii loo heli lahaa Hannaan dib u heshiisin Qaran oo loo dhan yahay si xal looga gaaro khilaafaadka heerarkiisa kala duwan ee dalka ka jira
Cabdishakuur Cali Axmed.
