Wasiirka Arrimaha Gudaha iyoΒ Guddiga farsamo ee maamul u sameynta Gobollada Mudug iyo Galgaduud ayaa magaalada Cadaado kulamo gaar gaar ah kula qaadanaya ergooyinka ka qeyb-galaya shirka maamul u sameynta gobolladaasi.
Mudane Cabdiraxmaan Maxamed Xuseen (Odowaa) Wasiirka Arrimaha gudaha iyo Federaalka ee xukuumadda Soomaaliya iyo xubno ka tirsan guddiga farsamada ayaa maanta kulanka ay la qaadanayaan ergooyinka waxa uu ku saabsanyahay sidii loo nidaamin lahaa howlaha horyaalla ergooyinka, isla markaana ay guddiga fursad u helaan inay xoojiyaan la shaqeynta kala dhexeyso Wasaaradda Arrimaha gudaha iyo kan ergooyinka.
Related posts
Sidoo kale Ergooyinka ayaa dhankooda qaadanaya kulamo gaar gaar ah, kaasi oo ku saabsan dar dargelinta howlaha laga rabo, waxaana tani ay qeyb ka tahay dadaallada ku aadan sidii loo dar dargelin lahaa shirka Maamul u sameynta Gobollada Mudug iyo Galgaduud oo dhawaan halkaasi ka furmay.
Wariyaha Warbaahinta Qaranka Maxamuud Cabdi Diirshe oo ku sugan madasha shirka ayaa soo sheegaya in shirarka gaar gaarka ah looga gol’leeyahay sidii guddiga farsamada iyo ergooyinka ka qeyb galaya shirka uu u dhex mari lahaa is faham wada shaqeyn ah.
