Wasiirka Awqaafta iyo Arrimaha Diinta Galmudug ayaa Bandiiradleey kaga qeyb galay xuska dhalashada Nabigeenna Muxammad (NNKH) isagoo xariga ka jaray masjid cusub oo deegaankaas laga hirgeliyay.
Munaasabadaan ayaa waxaa ka qeyb galay masuuliyiin ka socotay Galmudug, maamulka Bandiiradleey iyo qeybaha bulshada magaalada.
Wasiirka Awqaafta iyo Diinta ee dowlad Goboleedka Galmudug Xasan Cabdulqaadir Xuseen , Guddoomiyaha Culumadda Galmudug Sheekh Muxiyidin Yuusuf Barre iyo Sheekh Maxamuud Cali Wacays ayaa wadair xariga uga jaray dib u dhis lagu sameeyay masjidka wayne ee Jaamaca ama Al-Raxma kuna yaala magaalada Bandiiradleey ee Gobolka Mudug.
Guddoomiyaha Bandiiradleey Cabdirisaaq Axmed Jaamac ayaa kaga mahadceliyay doorka Mas’uulyiinta ay kaga qeyb qaadanayaan dib u dhiska deegaanka.
