Wasiirka Wasaaradda Awqaafta iyo Diinta ee Xukuumadda Soomaaliya Dr. Iimaan Cabdullaahi Cali, Agaasimaha Guud ee Wasaaradda Awqaafta iyo Arrimaha Diinta Soomaaliya Cumar Faaruuq Sheekh Cabdicasiis iyo Lataliyaha Wasaaradda ayaa lagu soo dhoweeyay Wadanka Kuwait.
Wafdiga Wasiirka Awqaafta Soomaaliya waxaa garoonka diyaaradaha ku soo dhaweeyay Wasiir kuxigeenka Wasaaradda Awqaafta iyo Diinta ee wadanka Kuwait iyo Masuuliyiin kale.
Sidoo kale waxaa soo dhowaynta ka qayb qaatay mas’uuliyiin ka tirsan Safaaradda Soomaaliya ee ku taala Wadankaasi Kuwait.
Wasiirka Awqaafta Soomaaliya ayaa la kulmay dhigiisa dalka Kuwait oo ay ka wada hadleen arrimo ay ka midyihiin xoojinta xiriirka labada dal iyo sidii ay tababbaro u siin lahaayeen shaqaalaha Wasaaradda.
