Kulankan ay wada qaateen Wasiirka iyo Wasiir ku-xigeenka Wasaaradda Beeraha iyo Wakiilka cusub ee Hay’adda Qaramada Midoobay u qaabilsan cunada iyo beeraha ee FOA ayaa lagu gorfeeyay sidii lagu xoojin lahaa wada shaqeynta labada dhinac iyo sidii hay’adda FOA ay u dardargelin lahayd shaqooyinka ay ka waddo Soomaaliya.
Kulanka oo ay sidoo kale goob joog ka ahaayeen Agaasimaha guud iyo quburo dhanka beeraha ayaa waxaa kaloo looga hadlay howlaha horyaala Wakiilka cusub iyo sidii loo xalin lahaa caqabadaha heysta Wasaaradda ee ku aadan horumarinta beeraha, iyadoo la dhaqan geliyo waxyaabaha muhiimadda gaarka ah leh oo ay Soomaaliya degsatay, kaasi oo laga soo minguuriyay qorshaha Qaranka.
Wasiirka Wasaaradda Beeraha iyo Waraabka ee Xukuumadda Soomaaliya Saciid Xuseen Ciid oo kulanka kadib la hadlay Warabahinta Qaranka ayaa sheegay in Wakiilka cusub uu ka howlgeli doono Muqdisho oo uu ka soo wareegayo xafiiska hay’adda ee ku yaalo magaalada Nairobi ee xarunta dalka Kenya.
Wasaaradda Beeraha ee Soomaaliya ayaa dadaal ugu jirto sidii dalka loo gaarsiin lahaa isku filnaansho xagga cuntada ah, si loo horumariyo wax soo saarka dalka.
Xabiib Axmed Cali
