Wasaaradda Beeraha iyo Waraabka Xukuumadda Federaalka Soomaaliya, ayaa xarunta Wasaaradda ee Magaalada Muqdisho ku qabtey shirka Madasha Qaran ee Beeraha (National Agriculture Forum) oo looga hadlayey waxyaabaha hortabinta u leh Wax soo saarka Beeraha iyo sugnaanta Cuntada.
Shirka Madasha Qaran ee Beeraha oo uu furey Wasiirka Wasaaradda Beeraha iyo Waraabka Mudane. Axmed Madoobe Nuunow ayaa waxaa ka soo qeybgaley Wasiirada, Agaasimayaasha Guud iyo Lataliyayaasha Wasaaradaha Beeraha ee heer Federaal iyo Heer Dowlad Gobaleed.
Shirkaan oo socon doona muddo seddex maalmood ah, ayaa waxaa furay Wasiirka Beeraha iyo Waraabka ayaa lagu falanqeyn doona xoojinta wada shaqeynta iyo iskaashiga Wasaaradaha Beeraha ee heer Federaal iyo heer Dowlad Goboleed, fursadaha iyo caqabadaha jira ee xalka u baahan.Iyo mideynta Istaraatiijiyada kobcinta wax soo saarka Beeraha, Sugnaanta Cuntada iyo suuq u helida Beeraleyda Soomaaliyeed.
Wasiirka Beeraha iyo Waraabka Xukuumadda Federaalka Soomaaliya Mudane Axmed Madoobe Nuunow, ayaa xusay Isbarasho iyo soo dhoweyn kaddib, inay diiradda saari doonaan,Waxyaabaha hortabinta u leh Wasaaradaha Beeraha oo Dalka muhiim u ah.
Wasiiru Dowlaha Wasaaradda Beeraha iyo Waraabka Xukuumadda Federaalka Soomaaliya Asad Cabdirisaaq Maxamed, ayaa xusay Inay muhiim tahay in laga wada shaqeeyo sare u qaadida wax soo saaarka si uu Dalku u gaaro isku filnaansho cunto.
Ugu dambeyn Wasiirada Beeraha ee Dowlad Goboleedya oo madasha ka hadlay ayaa soo dhaweeyay shirka madasha Qaran ee Beeraha,waxeyna tilmaameyn inay rajeynayaan inuu kusoo Dhaamado is afgarad iyo wax wada qabsi dhanka Horumarinta Beeraha ah.
