Wasiirka Wasaaradda Beeraha iyo Waraabka Xukuumadda Federaalka Soomaaliya Xildhibaan Maxamed Cabdi Xayir Maareeye oo ka jawaabaya cabashada Ganacsatada Khudaarta, ayaa saaka kormeer ku tagay Aargada Deyniile oo ay ku xayiranyihiin Baabuurta Khudaarta soo galiya Muqdisho.
Wasiirka Beeraha Soomaaliya oo Baraha kontorolada kula hadlay dadka Beeraladayda ah ayaa yiri.
Related posts
“Waxaan la kulmay oo ka wareystay xaaladahooda Beeraleyda wadatay gaadiidka Qudaartu saaran tahay, sidoo kalena waxaan la kulmay Ciidanka iyo Saraakiisha adeegyada Amniga ku hawlan ee goobta ku sugnaa oo aan ka codsaday in ay Beeralayda u dedejiyaan adeegyada ay ka sugayaan”. ayaa yiri Wasiir Maareeye
Wasiirka Wasaaradda Beeraha iyo Waraabka Xukuumaadda Federaalka Soomaaliya Xildhibaan Maxamed Cabdi Xayir Maareeye, ayaa sheegay in uu la kulmi doono Taliyayaasha ciidamada ee ka howlgala rugta baarista , wuxuuna ballan qaaday in ay fududeyn doonaan habka baarista gaadiidka keena qudaarta.
