Wasiirka Wasaaradda Beeraha iyo Waraabka Dowladda Soomaaliya Mudane Axmed Madoobe Nuunow (Axmed Baashi) ayaa maanta soo xiray shir muddo labo maalmood ah ka socday Wasaaradda oo la xiriira wadatashi lala yeelanayay khuburada iyo Xeel-dheerayaasha Beeraha Dalka.
Shirkaan ayaa waxaa goob joog ka ahaa Wasiiru-dowlaha Wasaaradda iyo Agaasimaha Guud waxaana uu daba socdaa Qorshaha Xukuumadda (Dan Qaran) ee ah dalka Soomaaliya in uu gaaro isku filnaan xagga dhanka wax-soosaarka, si meesha looga saaro ama loo yareeyo Masiibada Abaarta kusoo noq-noqotay guud ahaanba Dalka Soomaaliya.
Waxaana talooyinkii kasoo baxay shirkaan lagu dabikhi doonaa Qorshaha 5ta Sano ee Wasaaradda iyo Beeraha Iyo Waraabka Dowladda Soomaaliya, waana markii ugu horreysay oo Wasaaraddu qabato shir noocaan ah oo lagu aruurinayo talooyinka Khuburada Beeraha.
