Dhismaha xarunta dhexe ee Wasaaradda Caafimaadka Dowlad Gobaleedka Galmudug oo ay qeyb ka yihiin xafiisyada adeegga degdega ah ee Caafimaadka bulshada iyo baqaarada keydka dawada, ayaa maanta laga dhagax dhigey Magaalada Dhuusamareeb oo Caasimadda Galmudug.
Munaasabada dhagax dhiga oo ka qabsoontay halka dhismuha ka bilaabanaayo, oo ah kasoo horjeedka xarunta Madaxtooyada.Waxaama kasoo qeyb galay Dr. Cabdiwali Cabdulaahi Jaamac, Wasiirka Caafimaadka Galmudug, oo ay wehliyaan Wasiirada arrimaha gudaha iyo Warfaafinta, Agaasimaha madaxtooyada, Agaasimaha guud ee Wasaaradda Caafimaadka iyo duqa Dhuusamareeb.
Related posts
Macalin Cabdiraxmaan duqa Dhuusamareeb, ayaa ugu horreyn sheegay in dhulkaan hore uu ahaa xarunta Dowladeed,Waxayna noqon doontaa xarunta rasmiga ah ee Wasaaradda Caafimaadka Galmudug.
Wasiirka arrimaha gudaha Galmudug Cabdi waayeel oo bogaadiyey mashruucaan, ayaa sheegay in dib u dhiska xarumaha hey’addaha Dowlada uu tusaale muuqdo u yahay guulaha laga gaarayo Dowlad dhiska.
Wasiirka Wasaaradda Caafimaadka iyo daryeelka bulshada Galmudug Dr. Cabdiwali Cabdulaahi Jaamac ” Waxaan idinkaga mahadceliyey hey’adda BILL MELINDA GATES FOUNDATION fulinta mashruucaan ballaaran oo sida uu sheegay lagu dhameystiro sadexda bilood ee ka dhiman sanadkan”. Dr. Cabdiwali Cabdulaahi Jaamac.
