Wasiirka Caafimaadka xukuumadda Federaalka Soomaaliya Drs Xaawa Maxamed Xasan oo uu wehliyo Wasiir ku-xigeenka Wasaaradda Arrimaha gudaha Mudane Cali Sheekh Maxamed Xaaji Cali iyo masโuuliyiin ka socotay dowladda Qatar ayaa maanta booqasho ku tegay magaalada Jowhar ee xarunta gobolka Shabeelaha dhexe.
Wafdigan ayaa waxa ay kormeereen xarumaha caafimaadka ee magaalada Jowhar, halkaasi oo ay ugu kuurgalayeen xaaladda caafimaad ee magaalada, iyagoo dad beeraleey ah u qeybiyay abuur, isla markaana guddoonsiiyay lacago ay beerahooda ku tabcan karaan.
Wasiirka Caafimaadka xukuumadda Federaalka Soomaaliya Drs Xaawa Maxamed Xasan iyo wafdiga la socday waxa ay dhagax dhigeen Iskuulka Hoose Dhexe iyo Sare ee Sheekh Xuseen Cadde ee magaalada Jowhar, halkaasi oo lagu soo kordhinayo dhismo cusub.
Guddoomiyaha gobolka Shabeelaha Dhexe Cali Cabdullaahi Xuseen “Cali Guudlawe” ayaa sheegay in uu aad ugu faraxsanyahay in wafdi heer sare ay soo booqdaan degmada, ย taasi oo uu muujineysa amniga ka jirta magaalada Jowhar.
Drs Xaawa Maxamed Xasan ayaa sheegtay in ujeeddada booqashadeeda ay tahay sidii ay ugu kuurgeli lahayd xaaladda caafimaad ee ka jirta gobolka, waxaana ay xustay inay xoogga saareyso sidii loo heli lahaa adeegyo caafimaad oo dhameystiran.
Wafdiga ayaa gelinkii dambe ee maanta waxa ay dib ugu soo laabteen Muqdisho
