Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya H.E Dr. Ali Haji Aden oo caawa ka qeyb galey Bandhiga Waxqabadka Afarta Sano iyo Daah furka Hanaanka casriga ah ee xogta iyo Ololaha Kobcinta daryeel bixinta Caafimaad ee Isbitaalka Demartino.
Munaasabadda oo aheyd mid heerkeedu sarreeyey waxaa kasoo qeyb galey Wasiiro ka tirsan Xukuumadda Federaalka Soomaaliya, Wasiiru Dowlaha Wasaaradda Caafimaadka Dr. Maryama Maxamed Xuseen, Wasiir ku xigeenka Wasaaradda Caafimaadka Dr. Maxamed Xasan Bullaale, Agaasimaha Guud ee Wasaaradda Caafimaadka Dr. Guuleed Cabdijaliil, Xildhibaano ka tirsan Baarlamaanka Federaalka Soomaaliya Agaasimayaal, Siyaasiin, Dhaqaatiir, Aqoon yahan iyo marti Sharaf kale.
Munaasanadda ayaa lagu soo bandhigey howlaha muhiimka ah ee uu u qabtey bulsho waynta Soomaaliyeed Isbitaalka Demartiino iyo kaalinka lama ilaabaanka ah ee uu kaga jiro adeegga danta guud iyo daryeelka bulshada Soomaaliyeed, waxaana sidoo kaley intaasi bar bar socdey Daahfurka Hanaanka casriga ah ee xogta iyo Olalaha Kobcinta daryeel bixinta Caafimaad oo iyaduna ah qodob muhiim ah islamarkaana ahaan baahi wayn oo taagan maadama maalinba maalinta ka dambeysa uu sii kobcayo hanaankeena Caafimaadka.
Madaxda iyo marti Sharafkii kasoo qeyb galey Munaasbadda, ayaa bogaadiyey dadaalada uu Isbitaalka Demartiino u hayo bulsho waynta Soomaaliyeed, waxa ayna sidoo kale u riyaaqeen in la daah furo hanaanka casriyeysan ee xogta iyo Ololah kobcimta daryeel bixinta Caafimaadka.
Wasiirka Wasaaradda Caafimaadka iyo daryeelka bulshada xukuumadda Federaalka Soomaaliya, ayaa maamulka iyo shaqaalada Isbitaalka Demartiinu ku amaaney doorka muhiimka ah ee ay ku lee yihiin qeybta Caafimaadka gaar ahaan bixinta adeegga Caafimaadka taasoo muujineysa in Wasaaradda Caafimaadka Xukuumadda Federaalka Soomaaliya ay markasta diyaar u btahay sidii bulsho weynta Soomaalyeed u heli la haayeen adeeg Caafimaad oo dhamaystiran.
