Wasiirka Wasaaradda Caafimaadka Soomaaliya Dr. Fowsiya Abikar ayaa mujtamaca Soomaaliyeed kula wadaagtay boogeeda Twitter-ka fariin ku saabsan xaaladda isa soo taraysa ee Caabuqa COVID-19.
Fariinta Wasiirka ayaa ah mid ay diginin ugu dirayso dadweynaha Soomaaliyeed, iyadoo ku baaqday in dadka Soomaliyeed ay qaatan taxadar adag, waxayna ku adkeysay joogteynta gacmo dhaqashada, xirashada Afka iyo Sanka, kala fogaanshiyaha dadka, iydoo la isu jirsanayo masaafa dhan ugu yaraan hal mitir yo bar (1.5 Mitir).
Sidoo kale Wasiir Fowsiya ayaa dadweynaha ka codsatay inay si degdeg ah u qaataan tallaalka ka hortaga caabuqa COVID-19
“Fadlan qaado talaalka oo badbaadi naftaada, qoyskaaga iyo Bulshadaada, fadlan ku dabool afka iyo sanka tiish marka aad qufacayso ama aad hindhisayso, haddii aad isku aragto Qufac, Qandho ha tegin goobaha ay bulshaddu isugu timaado sida Suuqyada, Xafladaha, Aroosyada, Fagaaraasha, Kulamda Ciyaaraha, Tacsida, iyo IWM, wixii faahfaahin ah fadlan la xiriir number gaaban ee 449’. Ayay tiri Dr Fowsiya.
