Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya Dr. Ali Haji Adam, ayaa Magaalada Doha ee dalka Qatar uga qeyb galay Shirka madasha Bariga dhexe ee badqabka iyo tayada adeegyada Caafimaad,(Middle East Forum on Quality & Safety in Healthcare).
Madasha Bariga Dhexe ee Tayada iyo Badbaadada Daryeelka Caafimaadka oo lagu qabtay Magaalo madaxda dalka Qatar ee Doha ayaa la isu keenay in ka badan 3000 xirfadlayaal daryeel Caafimaad oo ka socda Gobolka iyo adduunka oo dhan si loo xaqiijiyo xal u hellida iyo bedqabka Caafimaad ee Bulshada Caalamka oo dhan.
Wasiirka, ayaa sidoo kale kulamo gaar ah la yeeshey Madax badan oo kasoo qeyb gashey Shirka,isagoo kala hadlay iskaashi ku aadan horumarinta Caafimaadka maadaama Soomaaliya ay ka mid tahay dalalka kobaca wanaagsan ka sameyna Caafimaadka iyadoo uu sidoo kalena dalalka qeybahooda Caafimaad ay hormarsanyihiin kala hadlay taageerada qeybta Caafimaadka Soomaaliya iyo Mashaariicda lagu horumarinayo.
Wasaaradda Caafimaadka iyo daryeelka bulshada Xukuumadda Federaalka Soomaaliya waxaa ka go’an horumarinta Caafimaadka dalkeena maadama bulsho waynta Soomaaliyeed muhiimad gaar ah uu u leeyahay adeeg Caafimaad oo tayo leh iyadoo la raacayo hiigsiga hirgilinta adeegga loo dhan yahay ee xirmooyinka Caafimaadka.
