Wasiirka Wasaaradda Caafimaadka DawladGobaleedka Puntland Dr Jamac Farax Xasan ayaa maanta xafiiskiisa ku qaabilay kuna soo dhaweeyay wafdi ka socday hay’adda UNFPA uuna hoggaaminayay madaxa Caafimaadka Mr Kamlesh.
Wasiirka iyo madaxda hay’adda ayaa ka wada hadlay wada shaqaynta ka dhaxaysa Wasaaradda iyo hay’adda waxaana la iskula soo qaaday shaqooyinka socda iyo qorshayaasha Wasaaradda ee Sanadka 2021.
Mr Kamlesh ayaa Wasaaradda uga mahadceliyay xiriirka wanaagsan ee ay wada leeyihiin waxaana uu balan qaaday inay kala shaqayn doonaan wasaaradda qorshayaasha socda,sidoo kalena haddii caqabado jiraan ama dib udhacyo ay dhakhso wax uga qaban doonaan.
Wasiirka Caafimaadka Puntland Dr Jamac Farax Xasan ayaa dhankiisa uga mahadceliyay hay’adda UNFPA shaqada ka dhaxaysa waxaana uu xusay in loo baahanyahy in laga wada shaqeeyo sidii loo sii horumarin lahaa.
