Wasiirka Wasaaradda Caafimaadka ee xukuumadda Soomaaliya Drs Xaawo Xasan Maxamed ayaa shaaca ka qaaday in Wasaaraddu ay qorsheyneyso in dib u dhis lagu sameeyo xarumihii caafimaadka ee danta guud, si loogu adeegayo bulshada.
Wasiirka Caafmaadka oo ka hadlaysay dhaawacyo shalay loo qaaday dalka Boqortooyada Sacuudiga oo gaarayay 21- qof oo 18 ka mid ah ay ahaayeen dadkii ku dhaawacmay Qaraxii ka dhacay Central Hotel ee Muqdisho ayaa tilmaamtay inay lagama maarmaantahay in dib loo soo celiyo xarumihii caafimaadka ee ku bur buray dagaalladii dalka ka dhacay, si bulshada ay u hesho adeegyo caafimaad oo dhameystiran.
“Dib u dhiska xarumahii caafimaadka, waxa ay gacan weyn ka geysan kartaa, in looga maarmo caafimaad dibadda ah oo loo qaado bulshadeena, haddii ay soo wajahaan xaaladan oo kale, marka Wasaaraddu waxa ay u istaagi doontaa dib u dhiska xarumihii caafimaadka ee dalka” ayay tiri Drs Xaawo Xasan.
Omar Hassan Khaire
