Ololahan oo socon doona July iyo inta u dhaxeysa Bisha August, waxaa martigalinaya Isbitaalka Banaadir waxaana Ololaha fulin doonta Hayโada Human Appeal, iyadoo la filayo in ay ka faaโideysan doonaan dadka Soomaaliyeed ee ka kala imaan doona Gobolada dalka kuwaas oo baahi wayn u qaba Indho fiiqista.
Khalid Huda madaxa hay,ada Human Appeal ee Soomaaliya ayaa sheegey in ay sii laba jibaari doonaan Barnaamijyada caynkan oo kale ah si bulshada u baahi qabta Barnaamijkan ay u hellaan fursado ay uga faa’ideysan karaan, isagoo sidoo kale xusey in iskaashiga Hey’adda iyo Wasaaradda ee ku aadan Ololaha Indha fiiqista ay xoojin doonaan.
Related posts
Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya Dr Cali Xaaji Aadan ayaa sheegey in loo baahan yahay kordhinta Barnaamijyada noocan ah ee waxtarka u leh bulsho waynta Soomaaliyeed, waxa uuna sidoo kale carabka ku adkeeyey in Wasaaraddu laba laabi doonto Barnaamij kasta oo waxtar u leh Bulshada Soomaaliyeed ee duruufaha Caafimaad la daalaa dhacay.
Wasaaradda Caafimaadka iyo daryeelka bulshada Xukuumadda Federaalka Soomaaliya waxaa ka go’an horumarinta iyo tayeynta Caafimaadka si loo gaaro yoolka fog ee hiigsiga horumarinta Caafimaadka maadaama Caafimaadku yahay kan ugu muhiimsan adeegyada bulshada.
