Wasiirka Caddaaladda iyo Arrimaha Dastuurka ee Xukuumadda Federaalka Soomaaliya Mudane Xasan Macallim Maxamuud ayaa xafiiskiisa ku qaabilay Madaxweynaha hey’adda Interpeace Mudane Itonde Abraham Kakoma iyo wafdi uu hoggaaminayo oo dalka booqasho shaqo ku jooga.
Mudane Xasan Macallim iyo Mudane Itonde Abraham ayaa ka wada hadlay arrimo la xariira caddaallada, nabadeynta iyo xasilinta oo muhiim u ah horumarka dalka iyo wadajirka bulshada.
Madaxweynaha hey’adda Inter Peace ayaa Wasiir Xassan Macallim uga mahadceliyay qaabilaadda iyo soo dhaweynta, waxuuna ammaanay dadaallada dowladda ee dib-u-eegista Dastuurka, iyo horumarinta Caddaaladda iyo garsoorka oo gundhig u ah nabad kusoo dabaalidda dalka.
Wasiirka ayaa Mudane Itonde Abraham iyo hey’adda uu madaxda ka yahay uga mahadceliyay shaqada ay dalka ka hayaan ee la xiriirta dadaallada nabadeynta bulshada, wuxuuna ku dhiirri geliyay iney joogteeyaan
