Wasiirka Wasaaradda Caddaaladda iyo Arrimaha Dastuurka Xukuumadda Federaalka Soomaaliya, mudane Xasan Macallin Maxamuud ayaa galabta mar kale booqasho ku tagay goobihii ku burburay weerarkii Soobe2.
Wasiirka ayaa geeyay goobta gaari cagafcagaf ah iyo midka qashinka qaada, kuwaas oo ka caawin doona in lagu guro dhagaxaanta iyo biraha burburka ka dhashay.
Sidoo kale, Wasiirka ayaa bogaadiyay dhallinyarada isxilqaantay ee wada gurmadka Qaran, isaga oo kula dardaarmay in ay dalkooda u shaqeeyaan una gurmadaan dadka walaalahood ah ee dhibaatadu gaartay oo aysan ka daalin howsha qiimaha leh oo ay wadaan.
