Xaflada xil wareejinta ah ayaa waxaa ka qayb galay mas’muuliyiin ka tirsan dowladda Federaalka ah ee Soomaaliya oo ay ka mid yihiin Ra’iisul wasaare ku-xigeenka Xukuumadda Federaalka Soomaaliya Mudane Maxamed Cumar Carte, Wasiirada Warfaafinta, Boostada caafimaadka iyo haweenka, Wasiiru dowlayaal iyo Wasiir ku-xigeenno sidoo kale shaqaalaha Wasaaradda tamarta iyo biyaha.
Agaasimaha guud ee Wasaaradda tamarta iyo kheyraadka biyaha Eng Cumar Xaaji Maxamed Shuuriye ayaa xusay inay diyaar u yihiin la shaqeynta Wasiirka cusub, isagoo Wasiirkii hore uga mahadceliyay mudadii ay wada shaqeeyeen.
Wasiirkii hore ee Wasaaradda Tamarta Maxamed Xasan Aadan Shaahiyow ayaa ku amaanay shaqaalaha Wasaaradda sida ay ula shaqeeyeen, waxaana uu ka codsaday in ay la shaqeeyaan Wasiirka cusdub, isagoo Wasiirka cusub ku wareejiyay warqado ay ku cadyihiin howlaha shaqo ee Wasaaradda.
Mudane Maxamed Mursal Sheekh Cabdiraxmaan Wasiirka cusub ee Wasaaradda Tamarta iyo kheyraadka biyaha ayaa sheegay in howsha Wasaaradda uu ka amba qaadi doono halkii uu soo gaarsiiyay Wasiirkii ka horeeyay.
Ugu dambeyntii Ra’iisul wasaare ku-xigeenka Xukuumadda Federaalka ah ee Soomaaliya Mudane Maxamed Cumar Carte oo ka hadlay xafladaas xil wareejinta ah ayaa ku bogaadiyay shaqaalaha Wasaaradda in sidii ay ula shaqeeyeen Wasiirkii hore ay ula shaqeeyaan Wasiirka cusub, isagoo Wasiirka cusub kula dar daarmay in uu si hufan u guto howlaha loo idmaday.
Sawir Qaade:- Farxaan Suleymaan Daahir
