Wasiirka Wasaaradda Deegaanka iyo Isbeddalka Cimilada Xukuumadda Dan-QARAN Sareeye Guud Bashiir Maxamed Jaamac ayaa maanta Magaalada Nairobi kula kulmay Safiirka dalka Filand u fadhiya Soomaaliya iyo Kenya Danjire Pirkka Tapiola, Finland.
Labada dhinac ayaa ka wada hadlay qodobbo dhowr ah oo ay ka midyahiin Xoojinka Iskaashiga ka dhexeeya labada dal, Arrimaha la xariira Isbeddalka Cimilada, xoojinta barnaamiyada iyo horumarinta taageerada Soomaaliya, ee dhanka deegaanka, sidoo kale wax ka qabashada Arrimaha deegaanka, u adkeysiga Cimilada, La-qabsiga iyo Horumarinta karaanka Aadamaha ee la xariira Arrimaha deegaanka iyo Cimilada oo ay dowladda Soomaaliya ka taageerayso Jaamacada dalka Filand ugu waa wayn, sidoo kale waxa ay Wasiir Bashiir iyo Danjire Pirkka Tapiola hoosta ka xarriiqeen dar-dargalinta Is-afgarad ay dowladaha Soomaaliya iyo Filand horey u gaarayn, si looga faaโiideysto fursadaha lagu xoojinayo Deegganka iyo Isbeddalka Cimilada.
Related posts
Ugu dambeyn kulanka waxaa ku wehliyay Wasiir Bashiir Maxamed Jaamac, Safirika Dalkeena Soomaaliya u fadhiya Kenya Danjire Jabriil Ibraahim Cabdulle, Khubrada Wasaaradda Deegaanka iyo Dibloomsiyiinta Safaaradda, iyadoo dhanka kale Danjiraha Filand kulanka kala qeybgalay Ku xigeenka Madaxa howl-galka Soomaaliya Marwo Nelli Mikkola iyo Xog-ahayaha Koowaad ahna ku xigeenka Wakiilka Joohta Hayโadda UNEP iyo UN Habitat.
