Related posts
Wasiirka Garsoorka, Cadaalladda iyo Diinta ee dowlad goboleedka Hirshabeelle Mudane Cabdiqaadir Cismaan Cabdisalaan “Kheyraat” ayaa sheegay in iyaga oo fulinaya baaqii Madaxweynaha Jamhuuriyadda Federaalka ah ee Soomaaliya Mudane Maxamed Cabdullaahi Maxamed Farmaajo waxa ay bulshada ku nool deegaannada Hirshabeelle ka dalbadeen in maalinta berito ah ay sameeyaan isu soo bax roob doon ah.
Mudane Cabdiqaadir Cismaan Cabdisalaan Kheyraat oo wareysi gaar ah siiyay Radio Muqdisho ayaa tilmaamay in Madaxweynaha Dowlad Gobaledka Hirshabeelle Cali Cabdullaahi Cosoble uu amar ku bixiyay in berito laga qeyb qaato salaadda Roob doonka ah, ย wuxuuna u xilsaaray Wasaaradda Cadaaladda iyo Arirmaha Diinta iney suuro galiso arrintaas, waxaana uu Wasiir Cabdiqaadir oo mas’uuliyadaas gudanaya uu xusay in dhankooda ay diyaar u yihiin in bulshada lagu wacyigeliyo sidii ay uga qeyb qaadan lahaayeen salaad roob ah oo laga oogayo dhammaan deegaannada Maamulka Hirshabeelle, isla markaana uu goor hore ku wargeliyay shacabka Hirshabeelle ku dhaqan.
โWaxaan fulineynaa baaqii Madaxweynaha Soomaaliya iyo guddiga culimada haddii aan nahay dowlad goboleedka Hirshabeelle ee qeybta ka ah dowladda Federaalka ah ee Soomaaliya, waxaana maanta ka shaqeyney sidii bulshada kunool deegaannada Hirshabeelle ay isugu soo baxaan oo aan tukunno salaad roob ah, waxaan dhamaan dadweynaha Hirshabeelle gaarsiineynaa inay arrintaasi nala qaataan,โ ayuu yiri Wasiir Cabdiqaadir Kheyraat oo hadalkiisa ku daray “Waxaan kaloo baaq u direynaa baaq culimada, ganacsatada iyo ardayda in berito ay ka wada qeyb qaataan salaadda roobdoonka ah si Alle uu nooga dulqaado dhibaatada ka dhalatay abaarta.
Halkan ka dhageyso wareysiga Wasiirka Garsoorka.
