Wasiirka Gaadiidka iyo Duulista Hawada Soomaaliya mudane Durraan Axmed Faarax oo ka jawaabaya baaqyada abaaraha dalka ayaa 150 booyadood oo biyo ah ugu deeqay dadka abaaruhu saameeyeen ee degmada Galdogob iyo deegaannada hoos yimaada.
Tani ayaa qeyb ka ah dadaallada loogu gurmanayo dadka ay saameysay abaarta, waxaana uu Wasiirku xusay in biyaha loo shubay dadkii mudnaa ee ay biyo la’aantu heysatay.
Wasiir Durraan ayaa ugu baaqay dadka Soomaaliyeed in ay gacmaha isuqabsadaan u gurmashada dadkooda; si looga gudbo xaaladda adag ee abaaraha.
