Wasiirka Gaadiidka iyo Duulista Hawadda Xukuumadda Faderaalka Soomaaliya oo maanta tabbabar usoo xiray koox ka shaqaynaysa Amniga Garoomada Dalka.
Wasiirka Wasaaradda Gaadiidka iyo Duulista Hawadda Xukuumadda Faderaalka Soomaaliya Mudane Duran Ahmed Faarax ayaa maanta tabbabar usoo xiray kooxdii u horraysay oo ka shaqaynaysa Amniga Garoomada dalka.
Wasiirka Gaadiidka iyo Duulista Hawadda Xukuumadda Soomaaliya ayaa sheegay in ahmiyad ay u leedahay in la tayeeyo amaanka garoomada dalka, isagoona sheegay in taasi ay keenay in diyaarado badan oo caalamiya ay dalka kusoo hirtaan.
“Amniga Garoomada dalka in xil weyn aan iska saarno waa ahmiyada koowaad ee shaqadeena waxayna sahlaysaa in Sawir wanaagsan ay ka bixiso Garoomada dalka oo ah muraayada dalka laga eegayo’’Ayuu Yiri Wasiir Duran Farah.
Dhanka kale Saraakiisha tababarka loo soo xiray ayaa sheegay inay ku faraxsan yihiin shaqada ay Qaranka u hayaan,iyagoona Wasiirka Gaadiidka uga mahadceliyay dhiiragalintiisa.
Dalkeena oo kasoo kabanaayo daggaallo sokeeye ayaa ahmiyad siinaya sidii adduunka ay ugu xirmi lahaa.
