Wasiirka Wasaaradda Gaashaandhigga, ayaa maalinta Shaqaalaha Adduunka ee 1-da bisha May awgeed waxaa uu Hambalyo u diray dhammaan Shaqaalaha Soomaaliyeed.
Wasiirka Wasaaradda Gaashaandhigga Soomaaliya mudane Cabdulqaadir Maxamed Nuur ayaa guud ahaan Shaqaalaha Soomaaliyeed gaar ahaan shaqaalaha Wasaaradda Gaashandhigga ku bogaadiyay gudashada waajibaadka qaran ee ay u hayaan Ummadda Soomaaliyeed isaga oo tilmaamay in ay xiliyada qaar ku shaqeeyaan marxalado adag taasina ay tahay mid ay ugu adeegayaan horumarinta Qaranimadooda.
“Waxa aan ugu horeyn hambalyo leeyahay guud ahaan Shaqaalaha Soomaaliyeed waxa aan si gaar ah Howlwadeennada Wasaaradda Gaashaandhigga Iyo Ciidanka Xoogga Dalka Soomaaliyeed uga mahad-celinayaa sida nafhurnimada leh ee ay ugu adeegayaan dadkooda iyo dalkooda iyaga oo maraxalad waliba ee lagu jiro diyaar u ah in ay umaddooda u adeegaan xili walibana naftooda ay ka hormariyaan adeega Bulshadooda Soomaaliyeed.”
Maalinta shaqaalaha adduunka oo la asteeyey 1, May, 1919-kii waa maalin caalami ah oo adduunka dhan looga dabaaldago maanta oo kale.
