Wasiirka Wasaaradda Ganacsiga iyo Warshadaha Xukuumada Federaalka Soomaaliya Mudane Khaliif Cabdi Cumar oo shalay u dhoofay wadanka Zerbia oo uu kaga qeyb-galaayo shirka iyo xuska sanad-guurada 60aad ee dalalka dhex-dhexaadka ka ah isbahaysiyada ka jira caalamka ee loo yaqaano Non-aligned countries, ayaa maanta si heer-sare ah looggu soo dhaweeyey garoonka diyaaradaha ee Tesla ee caasimadda Belgrade.
Wasiirka oo garoonka ay ku qaabileen Madax ka tirsan dawladda Zerbia oo sidoo kale na ay yeesheen kulamo hor-dhac ah, ayaa waxa socdaalkiisa ku wehelinaayey Madaxa Safaaradda Soomaaliya ee dalkaasi, Diblomaasiyiin ka socotay Wasaaradda Arrimaha Dibedda Xukuumadda Federaalka Soomaaliya iyo La-taliyaha Wasiirka, waxaana shirka oo qabsoomi doona 11ka illaa 12ka October 2021 loogga hadli doonaa danaha iskaashi ee u dhaxeeya wadamada ku bahoobay dhaq-dhaqaaqaasi oo ay Soomaaliya ka mid tahay aas-aaseyaashii isbahaysiga.
Related posts
