Wasiirka Wasaaradda Ganacsiga iyo Warshadaha Xukuumadda Federaalka Soomaaliya Inj. Cabdullaahi Cali Xasan, ayaa maanta shir muuqaal arag ah (Video Conference), kula yeeshay guddida hoggaaminta iyo taageerayaasha kale ee mashruuca horumarinta Wax-soo-saarka iyo Kobcinta dhaqaalaha goballada Koonfurta iyo Bartamaha Soomaaliya oo ay fulinayso hay’adda UNIDO sidoo kale na ay maal-galisay hay’adda horumarinta iyo iskaashiga u qaabilsan dawladda Talyaaniga.
Kulankan oo ujeedkiisu ahaa siddii uu Wasiirku uga xog-waraysan lahaa halka uu marayo mashruucaasi maadaama uu wadanka saameeyey cudurka COVID-19, ayaa hay’adda UNIDO, waxay si fiican uga fulisay magaalooyinka Muqdisho, Baydhabo iyo Kismaayo. Sidoo kalena, wuxu mashruucaasi gaari doonaa Baladweyne iyo goballada Puntland iyo Somaliland.
Mashruucan ayaa muddadii uu socday, waxaa lagu horumarinayey Ganacsatada yar yar, iyada oo laga tababaray heerkooda aqooneed ee dhinacyada maamulka iyo Maareynta ganacsiga sidoo kalena waxaa kor loogu qaadayey Wax-soo-saarka wadanka.
