Wasiirka Ganacsiga iyo Warshadaha ee Xukuumadda Federaalka Soomaaliya Mudane Maxamed Cabdi Xayir “Mareeye” ayaa xafiiskiisa kula kulmay Sharci-yaqaannada Soomaaliyeed si ay talo sharci Wasaaradda uga siiyaan hababka diiwaangalinta shatiyada ganacsiga ee kala duwan.
Sharci-yaqaannadan kulanka la qaatay Wasiirka ayaa soo bandhigay shuruucda jirta ee loo isctimaalo Ganacsiga, kuwaasi oo badankoodu u badan kuwo hore oo u baahan in dib u eegis iyo kaabidba lagu sameeyo, iyadoo sharcigani wax weyn ka tari doona Ganacsiga Soomaaliya wuxuuna kala xadidi doona Ganacsatada dalka.
Wasiirka Ganacsiga iyo Warshadaha Xukuumadda Soomaaliya Mudane Maxamed Cabdi Xayir ‘Maareeye” ayaa soo dhoweeyay talo-bixinta Sharci-yaqaannada wuxuuna ku booriyey in dhinac looga soo wada jeesto dib u habaynta shuruucda ganacsiga la xiriira, kuwaasi oo muhiimad gaar ah u leh tayeynta maalgashiga caalamiga ah iyo kan gudaha intaba.
