Wasiirka Ganacsiga iyo Warshadaha Xukuumadda Federaalka Soomaaliya Xildhibaan Hon. Jibril Abdirashid Haji, ayaa maanta kulan la qaatay safiirka wadanka China u qaabilsan Soomaaliya Ambassador Mr. Fei Shengchao oo ay ka wada-hadleen xiriirka labada dal iyo siddii la iskaga kaashan lahaa dhinacyada ganacsiga iyo dhaqaalaha.
Labada dhinac, waxa ay si wada jir ah u soo dhaweeyeen muhiimadda iskaashi Ganacsi oo dhex mara labada dal, dhiirigelinta Maalgashiga gaar ahaan isku xirka ganacsatada Soomaalida iyo kuwa China si ay u abuuraan fursado ganacsi oo labada dhinac ah iyo weli ba siddii loogga wada shaqeyn lahaa horumarinta kaabeyaasha dhaqaalaha dalka.
Wasiir Jibril, waxa uu Safiirka la wadaagay dadaalada ay ka Dawlad ahaan sameeyeen ee khuseeya horumarinta iyo fududeynta ganacsiga wadanka, isla mar ahaantaana ay maanta Soomaaliya u diyaarsan tahay inay wadanka ku soo dhaweeyaan Maalgashadeyaal caalami ah si kor looggu qaado wax soo saarka wadanka si ay Soomaaliya dheelitir ganacsi u la yeelato wadamada caalamka.
