Wasiirka wasaaradda ganacsiga iyo warshadaha dawladda Soomaaliya Eng. Cabdullaahi Cali Xasan ayaa maanta gaaray magaalada Garowe ee xarunta gobolka Nugaal.
Wasiirka iyo wefdiga safarkiisa ku wehliya ayaa halkaasi u tagay sidii ay uga qayb geli lahayeen kulanka wada-tashiga hindise sharciyeedka shirkadaha, kaas oo lagu wado in uu ka furmo magaalada Garowe ee caasimada Puntland, waxaana lagu wadaa in maalinta berri ah uu furmo.
Kulankaan wada-tashiga ah ayaa waxa ka qeyb qaadanaya guddiga Aqalka Sare u qaabilsan maaliyadda, dhaqaalaha, ganacsiga iyo warshadaha, wasiirrada dawladaha xubnaha ka ah dawladda federaalka, guddiyada ganacsiga iyo warshadaha ee golaha wakiilada dowlad goboleedyada.
