Wasiirka howlaha guud iyo dib u dhiska ee Xukuumadda Soomaaliya Eng, Saalax Sheekh Cismaan Muuse ayaa sheegay in dhismayaal waxbarasho ay u sameynayaan Ardeyda Araga laโ ee dugsiga Al-Nuur, kuwaasi oo uu kulan kula qaatay xaruntooda magaalada Muqdisho.
Kulanka ayaa waxaa looga hadlayay sidii wax loogu qaban lahaa maamulka iyo ardayda waxka barata Iskuulka ardayda araga laโ ee Al-Nuur, isla markaana loogu dhisi lahaa goobo waxbarasho si loo horumariyo waxbarashada dadka araga laโa
Related posts
Maamule ku-xigeenka Iskuulka Al-Nuur ayaa ka codsaday Wasaaradda howlaha guud iyo dib u dhiska in ay gacan ka geysato sidii looga heli lahaa dadka araga laโa goobo waxbarasho oo u gaar ah.
โBaahi weyn ayaan u qabnaa inaan helno xarumo tan ka balaaran oo wax lagu baro ardayda araga laโa, sababtoo ah waxaa jirta arday badan oo nala soo xiriirtay oo gobollada dalka ku sugan, kuwaasi oo u baahan inaan u helno goobo wax lagu baroโayuu yiri maamulka ku-xigeenka iskuulka.
Agaasimaha arrimaha bulshada iyo xiriirka dadweynaha ee xafiiska Raโiisul Wasaaraha Xukuumadda Soomaaliya Maryan Aadan Amiin ayaa tilmaantay in ay gacan ka geysan doonaan sidii loo caawin lahaa dadka dhibaateysan, isla markaana loo horumarin lahaa aqontooda.
Wasiirka Wasaaradda Howlaha guud iyo dib u dhiska dalka oo gabagabadii kulanka ka hadlay ayaa sheegay in ka Wasaarad ahaan uu qeyb weyn ka qaadan doono sidii dadka araga laโ loogu dhisi lahaa xarumo waxbarasho oo ay wax ku bartaan.
โWaxaan u howlgalayaa in baahida aad tabaneysaan inaan wax ka qabano, dowladda ayay masโuuliyad ka saarantahay dhismaha xarumo wax lagu baro dadka arag laโ, marka aniga ka Wasaarad ahaan gacan ayaan ka geysanayaa arrinta Insha Allahโ ayuu yiri Eng, Saalax.
