Wasiirka Wasaaradda Hawlaha Guud ee Xukuumadda Federaalka Soomaaliya Xil.Ismaaciil Abdirahman Sh.Bashir oo shir jaraa’id qabtay, ayaa sheegay in qaar kamid ah garoomada diyaaradeed ay u xirmeen daadadka roobka, iyadoo laga cabsi qabo inay dumaan buun-dooyin hor leh.
Wasiirka, ayaa waxa uu sheegay roobka uu sameeyn xooggan ku yeeshay kaabayasha dhaqaale ee ay kamid yihin waddooyinka, garoomada iyo buundooyinka,waxaa u tilmaamay in ay xiranyihin oo burbureen garoomada Baardheere iyo dowlow,sidoo kale ay go’day buundadii Baardheere.
Galmudug ayuu sheegay waddooyinka qaar uu roobka sameeyay, waxaa go’day buundada Saqiiro oo kutaal wadada isku xirto Hobyo iyo Gaalkacyo ayuu shegay in ay ku bur-burtay roobabkii halkaa ka da’ay
Sidoo kale wasiirka ayaa inta hadalkisa ku daray in Hirshabeelle uu sameeyay roobabka iyo fatahaada islamarkana ay go’day waddada xiriirisa Jowhar iyo Muqdisho waxa tilmaamay inuu xirmay oo ay Biyo fadhiyaan garoonka diyaaradaha magaalada Baledweyne ee xarunta gobolka Hiiraan
Gobollada koonfur Galbeed iyo Puntland ayuu si lamid ah sheegay in roobka uu khasaaro u geysatay,waxa uuna ugu dambeyn hay’adaha iyo dhammaan shacabka soomaaliyed ugu baaqay in loo gurmado qoysaska ay roobka uu sameeyay dowladuna ay waddo sidii gurmad loo gaarsiin lahaa dadka ku barakacay daadadka iyo fatahaadaha ka dhasahy roobka deyrta oo ka curtay guud ahaan dalka.
