Wasiirka Wasaaradda Isgaarsiinta iyo Teknolojiyada Xukuumadda Federaalka Soomaaliya Mudane Jaamac Xasan Khaliif ayaa kulan gaar ah la qaatay Shaqaalaha Haweenka ee Wasaaradda oo lagu dardargalinaayo dhiirigalinta iyo kaalinta haweenka in kor loo qaado maadaama Shaqada ay u yihiin lafdhabar.
Wasiirka ayaa sheegay in ay muhiim tahay in qof walbo kaalintiisa qaato, Shaqada loo qabto sida ugu fiican iyada oo la eegaayo qofwalbo meesha uu ku fiicanyahay iyo waxa uu qaban karo.
Shirkaan waxaa soo Agaasimay Waaxda Maamulka iyo Shaqaalaha, waxaana ujeedka loo qabtay ahaa in la xoojiyo doorka Haweenka oo marwalbo ay dardargaliyaan Shaqada maadaama la xoojiyey isla-xisaabtanka iyo kormeerka joogtada ah ee lagu sameenaayo Shaqada.
Shaqaalaha Haweenka Wasaaradda ayaa ka mahadceliyey fursadda weyn ee la siiyey iyo shirka ay la qaateen Wasiirka, waxaana goobjoog ahaa Agaasimaha Guud ee Wasaaradda Mudane Cabdicasiis Duwane Isaaq iyo Agaasimaha Waaxda Maamulka iyo Shaqada Mudane Maxamed Shaafi Yuusuf.
