Kulankaan oo looga hadlayay sidii iskaashi looga samayn lahaa horumarinta Kalluumaysiga ayaa waxa wada qaatay Safiirka Dowlada turkiga u fadhiya Somaliya iyo Madaxda Wasaarada Kalluumaysiga
Intii uu socday Kulanka ayaa waxaa looga hadlay in ganacsatada reer Turki ay ka kalluumeysan karaan xeebaha dalka, iyagoo raaca sharciyada u yaalla dalka ee dhanka kalluumeysiga qaabilsan.
Danjire Olgen Bekar Safiirka Dowlada Turkaga u fadhiya Soomaaliya ayaa u sheegay Warbaahinta Qaranka in ay isku afgarteen Wasiirka, dhanka horumarinta iyo iskaashiga kalluumaysiga dalka, ayna joogteynayaan sidii ay uga qeyb qaadan lahaayeen horumarka Soomaaliya.
Wasiirka kalluumaysiga iyo Kheyraadka Badda Maxamad Cumar Caymooy ayaa xusay in safiirka ay isla garteen arrimo ay ka midtahay in ganacsatada u dhalatay dalka Turkiga ay ka kalluumeysan karaan xeebaha dalka, iyagoo raacaya sharciyada u degsan dalka.
