Wasiir Wasaaradda Kaluumeysiga Xukuumadda Federaalka Soomaaliya Mudane Abdullaahi Bidhan Warsame, ayaa maanta si rasmi ah u furay shirka wadamada ku midoobay Urur goboleedka IGAD, kaas oo ka furmay Magaaladda Muqdisho.
Shirkaan oo ay ka soo qeyb galeeyn wafuud ka socotay 8 wadan oo wadamada geeska Afrika ee IGAD ku mideysan ,ayaa looga hadlayaa sidii looga faaβideysan lahaa khayraadka biyaha ee Badda iyo Wabiyadda( Blue economy) oo ay wadamadaan hodan ku yihiin.
Related posts
Shirkaan oo ah aqoon is weydaarsi heerkiisu sarreeyo ayay noqoneysaa kii ugu horreysay ee Soomaaliya lagu qabto oo heerkaas gaarsiisan, waxaana wadan kasta shirka ku soo bandhigay khayraadka biyo ee uu leeyahay, ayadoo la baran doono inta shirku socdo hanaanka ugu wanaagsan ee khayraadka looga faaβideysan karo, asaga oo wadan kasta dagsan doono Istiraatiijiyad u gooni ah oo uga shaqeysan karo ka faaβideysiga khayraadkiisa.
Soomaaliya oo shirkaan lagu qabanayo, ayaa ah wadanka ugu xeebta dheer Afrika ee ka faaβideysan kara khayraadka, waxaana shirka goobjoog ah Masβuuliyiin ka socota Wasaaradda Kaluumeysiga, Wasaaradda Arrimaha Dibadda Xukuumadda Federaalka Soomaaliya iyo madaxa IGAD ee Soomaaliya u fadhiya.
Shirkaan, ayaa la soo xiri doonaa maalinka barri ah, Waxaana la rajeynayaa in wadamada Geeska Afrika ay ka faaβideystaan khayraadkooda.
