Wasiirka Maaliyada Koonfur Galbeed ayaa maanta magaalada Baydhabo ka furay shir looga hadlayo Kobcinta Dhaqaalaha Koonfur Galbeed ee dalka.
Kulanka looga arinsinaayey Kobcinta Ganacsiga iyo dhaqaalaha Koonfur Galbeed ayaa waxaa furay Wasiirka Wasaaradda Maaliyada dowlada goboleedka Koonfur Galbeed Sheekh Xasan Ibraahim Lugbuur, waxaana kasoo qeybgalay guddoomiyaha Rugta Ganacasiga Koonfur Galbeed, Wakiilo ka kala socoday Bankiga adduunka iyo Hay’adda DAI oo iyadu mashruuca fulinaysa iyo Qaar Kamid ah Ganacasatada magaalada baydhabo
Xiriiriyaha mashruuca Kobcinta Ganacasiga Bartamaha iyo Koonfurta Soomaaliya Maxamed Cadceed ayaa sheegay in barnaamijkan uu yahay mid lagu horumarinayo ganacsiga dalka.
“Masharuucan Kobcinta ganacasiga waxaa bixinaya Bankiga adduunka . waxaana fulinaysa hay’adda DAI, waana barnaamij kor loogu qaadayo ganacasiga Soomaaliya”ayuu yiri Maxamed Cadceed.
Guddoomiyaha Gudiga Rugta Ganacasiga Koonfur Galbeed Maxamed Macalin Axmed ayaa bankiga adduunka uga mahadceliyey Maalgalinta Soomaaliya uu kusameynaayo
Wasiirka Maaliyadda Koonfur Galbeed Sheekh Xasan Ibraahim oo ka hadlayay furitaanka shirkan ayaa faah faahiyay muhiimadda uu u leeyahay horrumarka dhaqalaah deegaanada Koonfur Galbeed.
“Waxaan rajeynayaa in aad waxbadan ka faa’iideysan doontaan hadaa tihiin ganacasatada magaalada Baydhabo mashruucan, waana umahadcelinaynaa bankiga adduunka shirkuna waa inoo furanyahay” ayuu yiri Wasiirka Maaliyadda ee Koonfur Galbeed.
