Wadatashiga Mashruuca kasoo Kabashada xasaradaha Soomaaliya ayaa maanta lagu soo gaba-gabeeyay magaalada Baydhabo, waxaaba ka qeybgalay Madaxda Wasaaradaha Dowladd gobaleedka Koonfur galbeed Soomaaliya, Agaasimaha Qorsheynta iyo Horumarinta Xukuumadda Dowladda Federaalka iyo Khubrada Mashruucan ka socda Wasaaradaha Qorsheynta iyo Maaliyadda ee Xukuumadda Federaalka Soomaaliya.
Hay”adaha dowlad gobaleeedka Koonfur galbeed Soomaaliya iyo kuwa aan dowliga ahayn ee ka qeybgalay Wadatashiiga Mudnaansiinta ka soo ka bashada xasaradaha Soomaaliya ayaa inta uu socda si weyn u falanqeeyay ahmiyadda maamulka ee u baahan wax ka qabashada abaaraha, fatahaada, Ayaxa iyo masiibooyinka dabiiciga ah ee saameeynta ku yeesha bulshada nugul.
Agaasimaha Qorsheynta iyo horumarinta Dhaqaalaha ee Wasaaradda Qorsheynta Mudane Muuse Maxamed Cusmaan ayaa tilmaayay in wadatashigan uu ahaa mid wax weyn oo ahmiyadd u leh maamulka ay ka soo baxeeen Afarta maalmood uu socday.
Wasiirka Wasaaradda Qorsheynta Dowladd gobaleedka Koonfur Galbeed Soomaaliya ayaa sheegay in maamul ahaan rajo weyn ay ka qabaan in natiijo wax ku ool u ah bulshada Koonfur Galbeed ee uu saameynta ku yeesho fatahaada iyo Abaaraha.
Mashruucan ayaa ah deeq Maaliyadeed oo Baanka Adduunka ku taageeray dowladda Soomaaliya taasi oo gaarayso $137.5M lagana fulinayo eeriyooyinka kala duwan sida;
a). Kasoo kabashada daadadka iyo soo celinta adeegyada asaasiga;
- b) Dayactirka kaabayaasha dhaqaalaha, bixinta adeegyada iyo kaabidda hab-nololeedyada ay saameeyeen fatahaadaha;
c). U Diyaargaroowga xasaradaha ee muddada fog,
d). Ka jawaabidda musiibooyinka dabiiciga ah ee sida degdega bulshada saameeya.
Dowladda Soomaaliya oo kaashanayso Baanka Adduunka ayaa wado dadaallo ku aadan wax ka qabashada inta xad ah Abaaraha, Fatahaada, Ayaxa iyo masiibooyinka Dabiiciga ah.
