Shirka Wasiirada Qorsheynta ee Wadamada Carabta ayaa maanta ka furmaya Dalka Kuwait, waxaana Soomaaliya uga qeyb galaya Wafdi uu hoggaaminayo Wasiirka Qorsheynta Maalgashiga iyo Horumarinta Dhaqaalaha Dowladda Somaaliya Mudane Jamaal Maxamed Xasan.
Mudane Jamaal Maxamed Xasan iyo Wafdiga uu hoggaaminayo oo gaaray Dalka Kuwait, ayaa si weyn loo dhaweeyay, waxaana wasiirka uu ka mahad celiyay soo dhaweynta wanaagsan ee loo sameeyay, isagoo sheegay in inta uu ku sugan yahay dalka kuwait uu kulamo la qaadan doona madaxda sare dalkaasi iyo jaaliyadda Soomaaliyeed ee ku nool halkaasi.
Dhinaca kale Wasiir Jamaal Maxamed Xasan, ayaa waxa uu kulan la qaatay Agaasimaha Guud ee Sanduuqa Dhaqaalaha ee (kuwait Fund). Mudane Abdul Wahab Albadir, waxaana wasiirka uu warbixin uu ka siiyey horumarka Soomaaliya ay sameeyneyso iyo dadaalada hadda socda, siddii ay uga qeyb qaadan lahayd dowladda Kuwait oo soomaaliya xariir wanaagsan kala dhaxeeyo.
Agaasimaha Sanduuqa Dhaqaalaha Dowladda Kuwait, Mudane Abdul Wahab Albadir, ayaa waxuu boggaadiyay Horumarka ka socda dalka soomaaliya, waxuuna sheegay in Kuwait door wanaagsan ay ka qaadan doonta taageerada dowladda Somaaliya iyo shacabkeeda.
