Wasiirka Wasaarada Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliy Xildhibaaan Maxamuud Cabdiraxmaan Sh. Faarax (Beenebeene) oo ka Qaybgalaya Shirka Madasha Xiriirka Arrimaha bani’aadamnimada ee dalka #HCF2023 Ayaa ka warbixiyay xaaladaha Bani,aadannimo ee ka jiro Dalka Guud ahaan.
Wasiirka ayaa soo dhaweeyay Kulanka Madasha oo dalka u muhiim ah, Madashaa oo ay soo agaasintay Hay’adda SoDMA iyo Wasaaradda Gargaarka Jubaland, sidoo kalana Xusay in la wada shaqeeyo oo wada tashi lagu saleeyo oo ay haboon tahay in laga wada shaqeeyo howlaha halka ay ka bilaawanaayaan iyo halka ay ku dhamanayaan, Wasaaradda na go’aamindoonta wax walba oo la qabanayo oo ah qorshayaasha istaraatiijiga ah iyo taageerada degdegga ah.
Wasiirka Ayaa Shirka ka shaaciyay in Madasha Xiriirka Arrimaha bani’aadamnimada ee dalka #HCF2023 maanta laga bilaawo ay qayb ka tahay Dhismaha Gargaarka ee Madasha Isku-duwidda Bani’aadamnimada (Aid Architecture Humanitarian Coordination Forum).
