Wasiirka Qorshenynta Qaranka oo maanta magaalada Muqdisho ka furay shirka Madashaย wadatashiga Golaha Horumainta Qaranka (National Development Council) iyada oo ay ku mideeysan yahiin madashan Wasaaradaha Qorsheynta *labadeeda heer dowladda dhexe iyo heer dowladd gobaleed.*
Wadatashigan waxaa ka qeyb-galay wasiirada Qorsheynta ee kala ah: Wasiirka Wasaaradda Qorsheynta Mudane Maxamuud Cabdiraxmaan Faarax, Wasiiru dowlaha Mudane Cabdirashiid Jire, wasiirka qorsheynta Galmudug Mudane Axmed Ali Maxamed, Wasiirka Qorsheyntaย Koonfur galbeed Dr Cali Cabdi, wasiirka qorsheynta Hirshabeelle Saaqad Salaad Warsame, Wasiir ku -xigeenka Wasaaradda Qorsheynta Jubbaland Mudane Faarax Muqtaar Daaโuud iyo Agaasimaha Guud ee wasaaraddaย qorsheynta qaranka Mudane Asad Yusuf Qanyare, Agaasimyaasha guud Maamul gobaleedyada, agaasime waaxeedyada Wasaaradda Qorsheynta DfS iyo wasaaradaha Qorsheynta ee Dowlad Goboleedyada, la taliye-yaal sare.
Related posts
Madashan waxa ay socon doonta muddo labo cisho ah (13-14 September, 2022) iyada oo lagu lafo-guri doono hannaanka wada shayeynta, iskaashiga iyo muhimada ay leedahay U-gurmadkaย bulshada ay saameyn abaaraha baahsan, Sidoo kale waxaa lagu kala dhageystay warbixinno la xiriiri kobcinta dhaqaalaha, xakameynta iyo ka hortaga saameynta masiibooyinka, iyo habsami u fulinta Qorshaha Horumarinta Qaranka.
Shirka wadatashiga Gollaha horumarinta Qarankaย waxaa la filaya in laโisku weydaarsado fikrado muhiim u ah kobcinta dhaqaalaha iyo guud ahaan adkeynta hannaanka wadashqeynta labada heer ee dowladda Soomaaliyeed. Sidoo kale waxaa la filayaa in ay kasoo bixi doonaan talooyin wax-ku-ool ah oo fulintooda qeyb mug leh ka qaadanayso hoos u dhigista saboolnimada, joogteynta sidii loo xoojin lahaa qorshaha maareynta Abaaraha iyo sidoo kale sare u qaadista heerka nolosha shacabka Soomaaliyeed.
