Wasiirka Wasaaradda Shaqada iyo Arrimaha Bulshada ee Xukuumadda Federaalka Soomaaliya Dr. Maxamed Cilmi Ibraahim ayaa maanta si gooni gooni ah ula kulmay wafdi ka kala socday Qaramada Midoobay barnaamijka Cuntada Adduunka ee WFPย oo uuย hoggaaminayay El-khidir Daloum oo WFP u qaabilsan Arrimaha Soomaaliya ahna Agaasimaha guud WFP, iyo Masuulka ugu sareeya ( Somali Cash Consortium) kuwaas oo booqasho ku yimid Muqdisho gaar ahaan wasaaradda Shaqada iyo Arrimaha Bulshada
Kulamo gaar gaar ah ooย ay wada qaateenย Wasiirka iyo Wafdiga ayaa waxaa goob joog ka ahaa Wasiir ku xigeenka Wasaaradda Shaqada iyo Arrimaha Bulshadaย Cusman Libaax Ibraahim , Agaasimaha Guud ee Wasaaradda Shaqada iyo Arrimaha Bulshada Mudane Yuusuf Xasan Isaaq iyo La-taliyayaashaย Wasaaradda Shaqada iyo Arrimaha Bulshada Iyo masuuliyiin kaย socotay labada dhinaca ee Wafdiga uu xafiiskiisa ku qaabilay Wasiirka Shaqada.
Related posts
Wafdiga ka socday Hayโadda barnaamijka Cuntada Adduunka ee WFP ayaa ugu horeyntiiย kulanka la qaatay Wasiirka Wasaaradda Shaqada iyo Arrimaha Bulshada Dr. Maxamed Cilmi Ibraahim, iyagoo ka wada hadlay arrimo ay ka mid yihiin hanaanka wada shaqeynta ee Wasaaradda Shaqada iyo Hay’adda WFP.
Mr. El-Khidir Daluum oo ah Agaasimaha Hayโadda WFP ayaa ka codsaday Wasiirka Shaqada in ay sii wadaan wada shaqeynta, islamarkaana ay ka qeyb qaadanayaan ka shaqeynta danta bulshada Soomaaliyeed.
Dhanka kale; Wasiirka Shaqada iyo Arrimaha Bulshada ayaa maanta Xafiiskiisa ku qaabilay Wafdi ka socday Dalladda Lacagaha Soomaaliya (Somali Cash Consortium). Labada dhinac ayaa ka wada hadlay sidii loo xoojin lahaa iskaashiga si loo dhiso nidaamka Ilaalintaย bulshada oo ay dowladdu leedahay, Wasaaradana ay hormuud ka tahay, waxaana diiradda lagu saaray fursadaha shaqo. abuurista dhalinyarada iyada oo loo marayo tababaro xirfadeed iyo ganacsi bilow ah.
Wafdigan uu maanta kulamada la qaatay Wasiirka Shaqada ayaa qeyb ka ah wafdi ka socday caalamka oo maalmihii ugu dambeeyay booqasho isdabadajoog ah ugu imaanayay magaalada Muqdisho si ugu hambalyeeyaan masuuliyiinta Wasaaradda shaqada gaar ahaan Wasiirka Shaqada iyo Arrimaha Bulshada Dr. Maxamed Cilmi Ibraahim iyo Mudane Yuusufย Xasan Isaakย Agaasimaha Guudย ee Wasaaraddaย Shaqada iyo Arrimaha Bulshada.
