Wasiirka Warfaafinta Dhaqanka iyo Dalxiiska Xukuumadda Federaalka Soomaaliya Mudane Daahir Maxamuud Geele ayaa maanta Wariye Maxamed Abuukar Axmed Ma’da u magacaabay Maareeyaha cusub ee Golaha Murtida iyo Wacyigelinta Qaranka.
Waxaa sidoo kale xilkii laga qaaday Maareeyihii hore Abwaan Cismaan Cabdullaahi Guure, kadib qoraal ka soo baxay xafiiska Wasiirka.
Maxamed Abuukar Axmed Ma’da oo muddo ka tirsanaa Warbahinta Qaranka ayaa soo qabtay xilal kala duwan, isagoo ka soo shaqeeyey qeybaha warbaahinta waaxyeheeda kala duwan.
Ma’da waxaa uu soo qabtay xilal uu kamid yahay Tifaftiraha Radio Muqdisho iyo Telefishinka Qaranka, sidoo kale waa qabiir saxaafadeed oo in muddo ah soo shaqeeyey, isla markaana horey uga soo shaqeeyay Shabakada Warbaahinta Horn Afrik.
