Wasiirka warfaafinta, dhaqanka iyo dalxiiska ee Xukuumadda Soomaaliya Mudane Maxamed Cabdi Xayir {Maareeye} oo shir jaraaid qabtay magaalada Muqdisho ayaa faah-faahin ka bixiyay halka uu marayo ololaha ugurmashada dadka ay saameysay fatahaadda.
Wasiirka ayaa sheegay in haatan uu socdo Gurmad xoog leh oo ay wado dowladda Soomaaliya, sidoo kalana ay ka qayb qaadanayaan dowladaha Saaxiibka la ah Dalkeena.
Mudane Maxamed Cabdi Xayir Maareeye ayaa sidoo kale aad iyo aad ugu mahad celiyay Bulshada Soomaaliyeed ee is xilqaamay kuwaasi oo u istaagay sidii ay u kaalmayn lahaayeen walaalahooda dhibaataysan.
