Wasiirka Warfaafinta, dhaqanka iyo dalxiiska ee Xukuumadda Federaalka ah ee Soomaaliya Mudane Maxamed Cabdi Xayir “Maareeye” iyo wefdi agaasimeyaal ah oo uu hogaaminayo oo ku sugan dalka Kuwait ayaa maanta halkaasi uga qeyb galay munaasabad lagu daah furayay bandhigga buugaagta oo lagu qabtay xarunta Wasaaradda Warfaafinta ee Kuwait.
Wafdiga Wasiirka Warfaafinta ayaa waxaa xarunta ku soo dhaweeyay dhigiisa Warfaafinta ee dalka Kuwait iyo mas’uuliyiin kale oo ka tirsan Wasaaradda Warfaafinta, waxaana lagu soo wareejiyay carwada lagu soo bandhigayay buugaagta.
Bandhiggaan oo soconaya muddo toban maalmood ah ayaa ah mid la qabto sanadkasta xiligaan oo kale.
