Wasiirka Warfaafinta Dhaqanka iyo Dalxiiska Xukuumadda Federaalka Soomaaliya mudane Maxamed Cabdi Xayir (Maareeye) ayaa ka tacsiyeeyay geeridii ku timid Allaha u naxariistee Ra’iisul Wasaarihii hore ee Soomaaliya Marxuum Nuur Xasan Xuseen “Nuur Cadde” oo ku geeriyooday dalka Ingiriiska.
Wasiirka ayaa qoyska,ehelada iyo shacabka Soomaaliyeed uga tacsiyeeyay geerida Ra’iisul Wasaarihii hore ee Soomaaliya isagoo sheegay in wakhti adag uu dalka usoo shaqeeyay, wuxuuna Alle uga baryay inuu naxariistii Janno ka waraabiyo.
Allaha u naxariistee Nuur cadde ayaa labadii Toddobaad ee lasoo dhaafay la xanuunsanayay cudurka Corona virus, isagoo ku jiray Isbitaalka Kings College ee ku yaalla Magaalada London, wuxuuna saaka 7-dii subaxnimo ku geeriyooday halkaas sida uu Radio Muqdisho u xaqiijiyay Maxamed Nuur Cadde oo ah wiil uu dhalay Marxuumku.
