Kulankan oo magaalada Muqdisho ka socday labadii maalin ee la soo dhaafay waxaa ka qeyb galay Wasiirka Warfaafinta, Dhaqanka iyo Dalxiiska Mudane Daaβuud Aweys Jaamac Wasiirka Warfaafinta, Dhaqanka iyo Dalxiiska Xukuumadda Federaalka Soomaaliy, Agaasimaha Guud ee Wasaaradda Warfaafinta, Wasiirada Warfaafinta dowlad goboleedyada,iyo Agaasimaha guud ee warfaafinta gobolka Banaadir.
Waxaa lagu falanqeeyay qorshaha lagu hirgalinayo istaraatiijiyadda isku xirka xiriirka Warbaahinta ee hayβadaha dowladdda ( National Communication Strategy), ka qeyb galayaashu ayaa si wadajir iyo koox kooxba ah uga qeyb qaatay doodaha kulanka una soo bandhigay aragtidooda ku aadan diyaarinta qorsho howleedka.
Agaasimaha Guud ee Wasaaradda Warfaafinta Dhaqanka iyo Dalxiiska Xukuumadda Federaalka Soomaaliya Mudane Cabdullaahi Xayir Ducaale oo hadal ka jeediyay kulanka ayaa soo dhoweeyay Wasiirada isagoo sheegay in muhiimadu ay tahay ka tashiga hirgelinta istaraatiijiyadda.
Wasiirka Warfaafinta Dowlad Gobaleedka GalmudugΒ Abshir Cabdi Shiiqoow oo ku hadlayay afka Wasiirrada Warfaafinta ee dowlad gobaleedyada iyo Agaasinka Warfaafinta gobolka Banaadir ayaa sheegay in Wasaaradaha Warfaafinta dowlad gobaleedyada iyo Wasaaradda Warfaafinta federaalka ay ka shaqeynayaan dhameystirka higelinta qorshaha xiga si loo dhaqangeliyo Istaraatijiyadda,
Wasiirka Warfaafinta Dhaqanka iyo Dalxiiska Soomaaliya mudane Daaud Aweys oo soo xiray shirkan ayaa ku bogaaidyay hawlwadeenada iyo qubarada WasaaradahaΒ dejinta qorshe hawleedka istaraatiijiyadda Qaran ee Isku xirka xiriirka Warbaahinta oo saldhig u noqonayana hirgalinteeda oo muhiim u ah mideynta farriimaha dowladda iyo kor u qaadista wacyigalinta galinta bulshada.
Wasiirka Daa’uud ayaa u mahad celiyay mashruuca xasilinta TIS3/USAID oo taageeray diyaarinta Istaraatiijiyadda iyo kulanka lagu dejinayo qorshaha lagu hirgalinayo, sidookale waxaa uu bogaadiyay hay’adda Perspective Media oo farsamo ahaan kala shaqeysay wasaaradda qoridda Istaraatiijiyadda.
