Wafdi uu hoggaaminayay Wasiirka Wasaaradda Shaqada iyo Arrimaha Bulshada ee Xukuumadda Federaalka Soomaaliya Cabdiwahaab Ugaas Xuseen Ugaas Khaliif ayaa gaarey Garoonka Diyaaradaha Dhuusamareeb.
Wasiirka iyo wafdigiisa ayaa waxaa soo dhaweyn u sameeyay Mas’uuliyiinta Wasaaradda Shaqada iyo Arrimaha Bulshada Galmudug sida wasiirka wasaaradda mudane Yaxye Xiish, Wasiir ku-xigeenka Wasaaradda Maxamed Nuur Diini, Guddoomiyaha Gobolka Galgaduud Cilmi Cali Ganey iyo maayerka Dhuusamareeb macalin Cabdiraxmaan Geedaqoroow.
Safarkan Wasiirka shaqada iyo arrimaha bulshada XFS uu kuyimid Dhuusamareeb ayaa la xiriira u kuur-galida mashruuca baxnaano ee taakuleynta dadka abaartu saameysay iyo ogaanshaha heerka nolosha ee barakacayaasha ku sugan Gobolka.
