Related posts
Wasiirka Wasaaradda waxbarashada Hiddaha iyo Tacliinta sare ee xukuumadda federaalka Soomaaliyaย Mudane Cabdulahi Goodax Barre ayaa maanta magaalada Muqdisho si rasmi ah uga daah furay mashruuc kor loogu qaadayo xirfadda farsamada gacanta.
Munaasabadda daah furkaย barnaamijkaan ayaa waxaa goob joog ka ahaa Wasiirka qorsheynta Soomaaliya Mudane Jamaal Maxamed Xassan, danjiraha Jarmalka, ee dalalka Soomaaliya, Kenya iyo Seychellesย Ambassador, Annett Guenther, wasiirka shaqada iyo arrimaha bulshada Mudane Saalax Jaamac,ย guddoomiyaha gobolka Banaadir ahna duqa magaalada Muqdisho Eng Cabdiraxmaan Cumar Cismaan Yariisow, iyoย Xoghayaha wasaaradda waxbarashada Axmed Yuusuf Xassan.
Mashruucan ayaa waxaa ku baxaya lacag dhan 13 Milyan oo Yuro, waxana sideed ka mid ah bixinaya midowga Yurub halka shanta kalana ay bixineyso dowladda Jarmalka.
โMaanta waxaan si rasmi ah u daah furay mashruuc loogu talo galay in lagu kobciyo aqoonta xirfadleydaย farsamada gacanta, mashruucan ayaa waxaa ku baxaya lacag dhan 13 Milyan oo Yuro sideed ka mid ah waxaa bixinaya midowga Yuru halka shanta kalana ay bixinayaan Jarmalkaโayuu yiri wasiirka waxbarashada hiddaha iyo tacliinta sare ee dalka.
Wasiirka waxbarashada xukuumadda federaalka Soomaaliyaย Mudane Cabdulahi Goodax Barre ayaa sheegay in mashruucan uu soo saari , doonaa 3000 kun oo ruux, muddo gaban,ย isagoo sheegay in laga hirgelin doono guud ahaan dalka gaar ahaan meelaha dadka ku badan yihiin.
โMashruucan wuxuu ka hirgeli doonaa dhammaan gobollada dalka, qaasatan meelaha dadka ku badan yihiin, arrintan waa mid wanaagsan islamarkana baahi weyn loo qabay, mashruucan hadii aan ku guuleysano, waxaa hirgeli doono mashaariic kaleโayuu yiri Mudane Cabdulahi Goodax Barre.
Wasiirka waxbarashada xukuumadda federaalka Soomaaliya Mudane Cabdulahi Goodax Barre ayaa maalin ka hor sidanย oo kale daah furay mashruuc lagu horumarinayo waxbarashada dalka..
