Ujeedka kulankaan ayaa ahaa mid su,aalo lagu weydiinayay Wasiirka
Waxbarashada, Hidaha iyo Tacliinta Sare ee Dalka Mudane Cabdullahi Goodax Bare, waxaana ka qeybgalay Ardayda wax kabarata Jaamacadaha Dalkaa, intii uu soday kulanka ayaa lagu lafa guray hanaanka ugu wanaagsan ee lagu hormari karo Tacliinta Sare ee Dalka.
Qaar kamid ah ardayda kasoo qeybgalay kulanka oo su,aalo weydiiyay Wasiirka ayaa ku amaanay Wasaarada Waxbarashada doodaha nuucaan ah ee bulshada faa’iidada uleh.
Gudoomiyaha Jaamacada Ummadda Soomaaliyeed Maxamed Jimcaale ayaa tilaamay in doodaha caynkan ah ay saacidayaan dadaalada Waxbarashada sare lagu horumarinayo.
Wasiirka wasaaradda Waxbarashada Hidaha iyo Tacliinta Sare ee Dalka Mudane, Cabdullahi Goodax Bare ayaa sheegay in Xukuumadda Fedaraalka Soomaaliya ee uu Hogaamiyo Xasan Cali Kheyre ay ka go,antahay in ay culeyska saaraan sara u qaadista iyo
tayeeynta Macalimiinta Soomaaliyeed.
’’Xukumadda Soomaaliya waxaa ka go, an in ay soo saarto dhalinyaro Aqoonta ay leeyihiin ku filantahay, islamarkaana Dalkooda ugu shaqeeyaan Ubadkooda iyo mustaqbalkoodana ay ku dhisaan, wasaaradda waxbarashaduna ay masuul ka tahay shaqooyin kala duwan oo ay ka midtahay Waxbarashada Hoose Tacliinta Sare iyo Hiddaha iyo dhaqanka Soomaalida”ayuu yiri Wasiir Goodax.
Intii uu socday kulanka ayaa waxaa ardayda kasoo qeyb-gashay wadatashigaan ay is dhaafsadeen doorka dhalinyarada waxbaratay ay ka qaadan karaan Horumarinta waxbarashada Sare ee Dalka.
